Day: २६ जेष्ठ २०७९, बिहीबार २२:०४

काठमाडौँ, २६ जेठ । सांसद डा डिला सङ्ग्रौलाले शिक्षालाई रोजगारीसँग जोड्न माग गरेकीछन् । हरेक दिन झन्डै एक हजार ५०० युवा रोजगारीको खोजीमा विदेश गइरहँदा उनले राज्यले प्रत्येक नागरिकलाई १० जोड २ तहसम्मको शिक्षा दिनुपर्ने र त्यस्तो शिक्षा सस्तो, सुलभ र रोजगारीसँग जोडिएको हुनुपर्ने बताइन् । आज प्रतिनिधिसभाको बैठकमा शिक्षा मन्त्रालयका लागि विनियोजित बजेटबारेको छलफलमा भाग लिँदै सांसद सङ्ग्रौलाले भनिन्, “स्नातक तहको शिक्षा रोजगारीमूलकका साथै सङ्ज्ञात्मक (सैद्धान्तिक) हुनुपर्दछ । स्नातकोत्तर तहको शिक्षा अनुसन्धानमूलक हुन जरुरी छ । जसले उद्यमशीलताको विकासका साथै अरु व्यक्तिलाई पनि दिन सकोस् त्यस्तो खालको शिक्षा प्रणाली विकास गर्न जरुरी देखिन्छ । “सरकारी एवं सामुदायिक र निजी…

काठमाडौं, जेठ २६ । नेकपा माओवादी केन्द्रका अध्यक्ष पुष्पकमल दाहाल प्रचण्डले सम्पर्क समन्वय कमिटीलाई आगामि मंसिरमा हुने संघीय र प्रदेशको निर्वाचनको तयारीमा लाग्न निर्देशन दिएका छन् । बिहीबार सम्पर्क समन्वय विशेष प्रदेशको कार्यालयको बैठकलाई सम्बोधन गर्दै अध्यक्ष प्रचण्डले आगामी मंसिरमा हुने प्रतिनिधिसभा र प्रदेशसभाको निर्वाचनको तयारीमा लाग्न निर्देशन दिएका हुन् । उनले सम्पर्क समन्वय विशेष प्रदेशको स्थानीय तहको निर्वाचनमा विशेष भूमिका रहेको भन्दै उनले संघीय र प्रदेशको निर्वाचनको तयारीमा लाग्न निर्देशन दिए ।

काठमाडौं, जेठ २६ । राष्ट्रिय प्रजातन्त्र पार्टी (राप्रपा) महामन्त्री कुन्ती शाही महिला विभाग प्रमुख चयन भएकी छन् । अध्यक्ष राजेन्द्र लिङदेनले बिहीबार पार्टी उपाध्यक्ष रोशन कार्कीलाई स्थानीय तह परिचालन विभाग प्रमुख र शाहीलाई महिला विभाग प्रमुखमा मनोनयन गरेको राप्रपा प्रवक्ता मोहन श्रेष्ठले जानकारी दिए । श्रेष्ठका अनुसार केन्द्रीय सदस्य राजेश गिरीलाई शिक्षा विभाग र ज्वाला संग्रोलालाई सामाजिक विभाग प्रमुख चयन भएका छन् । यसैगरी, विभिन्न जिल्लामा देखिएका विवाद समाधान गर्न निरञ्जन थापाको संयोजकत्वमा गठित विवाद समाधान तथा छानबिन समितिलाई पूर्णता दिइएको श्रेष्ठले बताए ।

काठमाडौं, जेठ २६ । काठमाडौं महानगरपालिकाका मेयर बालेन शाहले पुनः प्रधानमन्त्री शेरबहादुर देउवालाई भेटेका छन् । केही दिनअघि देउवालाई भेटेका शाहले बिहीबार पुनः काठमाडौंमा देखिएको फोहोर व्यवस्थापनसम्बन्धी समस्या समाधानका लागि देउवालाई भेटेका हुन् । सो क्रममा फोहोर व्यवस्थापनका लागि सहजीकरणका लागि शाहले देउवालाई आग्रह गरेको बताइएको छ ।